ACO

Ngritës lartësie (zgjatues) për gojë Ujku

Përshkrimi i produktit:

Ngritësi i lartësisë ACO është një element modular i sistemit të drenazhimit, i projektuar për rritjen e lartësisë së instalimit të gojës së ujkut dhe përshtatjen e saj me kuotën përfundimtare të terrenit.

Konstruksioni i qëndrueshëm dhe profili i projektuar për integrim me sistemin përkatës mundësojnë vendosje të saktë mbi trupin ekzistues të gojës së ujkut. Elementi shërben për kompensimin e diferencave të nivelit gjatë punimeve të ndërtimit, duke ruajtur vazhdimësinë strukturore të sistemit dhe hapësirën e nevojshme për grumbullimin dhe largimin e ujërave sipërfaqësore.

I përshtatshëm për instalime të reja dhe rikonstruksione, veçanërisht në zona ku kërkohet përshtatja e sistemit të kullimit me shtresat përfundimtare të dyshemesë ose terrenit, si trotuare, oborre, hapësira të shtruara dhe ambiente të jashtme.